النصب والاحتيال في الوكالات

[راعي_بحر]

بسم الله الرحمن الرحيم

ها أنا أعود لكم بطرح جديد

وهذه القصة حدثة معي :: الكل يغرف من البلاد مثل جدر المعاريس ::

النصب والأحتيال

أخواني الكرام أين الرقابة عن هذه الظواهر من الوكالات والكراجات!!

ولا أفتح وكالة أو كراج سياراة وأنهب فلوس قد ماتقدر........؟؟

لاأود ذكر الوكالة

نوصل للسالفة طولي بعمرك قبل فترة بسيطة ودينا السيارة الوكالة للفحص والسيارة أبداً مافيها أي عطل أو خلل بتاتاً المهم تمت أسبوع هناك وأتصلو الجماعة خلصت السيارة وسرت ودفعت فلوس التجييك

ومن ظهرت من الوكالة بالسيارة وشغلت المكيف حارررررر!!
شو السالفة ياجماعة المهم كان الوقت فليل قلت حق المسئول هناك شوفيها السيارة قال ماعرف

وخليتها يومين والجماعة يقولون في عطل وبنصلحة اب7500درهم؟؟؟؟؟؟؟

ياريال أستهدى بالله انا عاطنكم السيارة صاحية المهم صار فتان بيني وبينهم وخذت السيارة وانا عرفت الخلل دايرك بس سكت أجيس النبظ


ونوصل :للكراجات:

شاب من الجنسية العربية الأسلامية للأسف للأسف الشديد طلع نصاب عوووود مايعرف شي أسمه إسلام مجرد بالأسم فقط بوالشباب سوى حركة وسحب الغاز الب مالمكيف كان باجي شوية وقال في عطل بصلحة
اب5500 درهم؟؟

ع باله اخوكم سهيل خدية مايدرون إني يالس أستهبل عليه وعلى الوكالة المهم رحنا وأخر شي حطينا غاز حق الموتر

اب150 درهم

سؤالي أين الرقابة عن هذه الأشخاص نصب في نصب عيني عينكم

مايندرى كم نصبووووو ع الباجي وهم ياغفلين لكم الله

أرجووو الانتباه ياأخوان من هذيييييييل النصابيين الكبار


انتظروا الجزء الثاني ((قيد الإعداد والانشاء)) في قضية أخرى..

بقلم أخوكم سهيل السويدي

[ديــل بــيــرو]

..
.

أنا بتكلم عن الوكالات لأني ما أتعامل مع الكراجات

نحن نعاني من مشكلة الإحتكار

كل ماركة لها موزع أو وكيل واحد في المدينة

يعني على سبيل المثال تويوتا لها وكيل واحد في الإمارات كلها وهو الفطيم

المثال الثاني نيسان عندها موزعين في الإمارات المسعود للسيارات في أبوظبي والعربية للسيارات في دبي

إنت لو ساكن دبي ما بتودي سيارتك أبوظبي عشان التشييك

وهم يستغلون هالنقطة والناس يعانون من إرتفاع أسعار السيارات وسوء خدمات ما بعد البيع

تخيل لو المسعود والعربية مع بعض في مدينة وحدة

تخيل كيف بتكون المنافسة بينهم ومنو الكسبان..؟ العملاء

إذا هذا الوكيل يبيع عليك موتر بـ 260 ألف الوكيل الثاني بيبيعه بسعر أقل

إذا هذا الوكيل بيشربك قهوة يوم تدخل الوكالة الوكيل الثاني بيلعبك بلاي استيشن

لكن ما دام الإحتكار موجود بنتم نعاني من النصب وسوء خدمات الوكالات

ملاحظة: أنا ماعرف إنت عن أي وكالة تتكلم بس أنا تعاملت مع العربية للسيارات وخدماتهم ما عليها كلام

عشان ما أتوهق

.
..

[راعي_بحر]

تسلم ياخوي على المرور والتعليق

الصراحة النصب في كل مكان ولاكن علينا توخي الحذر

وبالنسبة للوكالة الي أقصدها جيك الخاص مابغي اذكرها حفاظاً ع سمعت المنتدى

تحياتي لك

[الرجل الاخضر 84]

باااارك الله فيكم .. انا بعد نفس المووووضووع ..

وازيدكم من شعر بيت .. اذا بغيت سيااااره معينه من وكاااله الفلانيه لازم تتريا شهر او اكثر
( اونه السياره فل حجز عليها )

وهذا الي صااارلي ..

ومشكووورين عالموضوع .

[عـــــذب الصفـــــات]

بصراحة كل شي جايز في هالزمن



عن نفسي ياخوي


ما اعاني من مشكلة السيارات لان بصراحة مثل خدمة الفطيم مافي



اذا سيارتك فيها دعمة 3 ايام يخلصونها


والتشييك ساعتين , هذا غير اماكن الصلاة والكوفي وووو الخ ...



شكرا على الطرح


والله المستعان ان شاء الله


اخوك الصغير

عذب